Na Cidade das Campás, nun mundo distópico, Lan é un mozo orfo que deseña e manexa os seus drons CL4. Malvive no Subterráneo grazas á venda de datos informáticos. Coñece a Chía e ambos os dous cooperan na loita ata que a fortuna abandona a moza nun lance cos inimigos. Namorado da rapaza, para axudala, Lan participa nun concurso no que coincide con Artur e mais con Belisa. Os tres competirán en desvantaxe contra as tríades, formacións de combate compostas por drons XP9.